Нөхрийнхөө хоолонд хулганы хор, уксус Хийж алахыг завджээ.

⁉️Увс аймгийн Бөхмөрөн сумд 36 настай эмэгтэй О, 10 жилийн туршид гэр бүлээс гадуурх харилцаа үүсгэсэн 39 настай эрэгтэй Ц-тэй хамтран нөхрийгөө хөнөөхийг завдсан хэрэг гарсан байна.
⁉️Энэхүү хэрэг 2024 оны есдүгээр сарын 06-ны өдөр Увс аймгийн Бөхмөрөн сумд болсон бөгөөд тухайн үед хохирогч Б-ийн хамраас цус гараад тогтохгүй, биеийн байдал муудсан тул сумын төвийн эмнэлэгт ханджээ. Цус тогтоох эмчилгээ хийгээд маргааш нь аймгийн төвийн эмнэлэгт хүргэхээр болсон байна. Аймгийн Нэгдсэн эмнэлэгт Б хэвтэн эмчлүүлээд биеийн байдал сайжирсан тул эхнэр нь тариурт уксус соруулж шингэнд нь хийжээ. Улмаар нөхрийнх нь биеийн байдал муудаж Улаанбаатар хотыг зорьж, цусны тасагт хэвтэн эмчлүүлэх болсон байна.
Эл хэргийн үйл баримт цагдаагийн мөрдлөгийн явцад илэрсэн бөгөөд гэрчүүдийн мэдүүлэг, хэрэгт холбогдсон этгээдүүдийн мэдүүлэг зэргээр хүний амь насыг хөнөөхийг завдсан хэрэг үйлдсэн болох нь тогтоогджээ.
Тус хэргийн шүүх хурал энэ оны хоёрдугаар сарын 14-ний өдөр болсон бөгөөд дараах шийдвэрийг гаргасан байна.
Иймд 36 настай эмэгтэй О-г Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.11-т заасан хүнийг алах гэмт хэргийг бүлэглэж үйлдэхийг завдсан гэм буруутайд тооцож 13 жилийн хорих ял
39 настай эрэгтэй Ц-г мөн Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.11-т заасан хүнийг алах гэмт хэргийг бүлэглэж үйлдэхийг завдсан гэм буруутайд тооцож 12 жилийн хорих ял оноож шийдвэрлэсэн байна.
Тодруулбал, нөхрийнхөө хоолонд уксус, хулганы хор хийж, бие нь муудаж эмнэлэгт хүргэгдэн хэвтэхэд шингэнд нь тариураар уксус хийсэн хэрэгт холбогджээ.
Хохирогч Б, болон хэрэг үйлдсэн этгээд О нар 17 жил амьдарсан, дөрвөн хүүхэдтэй. Нөхрийнх нь хувьд эхнэрээ өөр хүнтэй гэр бүлээс гадуурх харилцаа үүсгэсэн тухайг нь мэдсэн ч хүүхдүүдээ бодон уучилж амьдарч байсан гэх. Гэтэл эхнэр болох О гэр бүлээ цуцлуулчихвал хүмүүс муу хэлэх байх хэмээн Ц-тэй хамт амьдрахын тулд эл үйлдлийг гаргасан тухай мэдүүлсэн байна. 39 настай Ц-ийн хувьд О-ийн захиасаар хулганы хор, уксус зэргийг авч ирж өгсөн ба нөхөр болох Б-г нь хөнөөх санааг анх гаргажээ. 😢⁉️